ડ્રાઇવર દિલવાળો
ડ્રાઇવર દિલવાળો
સમાજસેવા કરવી હોય કે જરૂરિયાતમંદ લોકોને સહાયરૂપ બનવું હોય તો તમારી પાસે લાખો-કરોડો રૂપિયા હોવા જરૂરી નથી કે જરૂર નથી કોઈ સોશ્યલ વર્કરની પદવીની. દિલમાં ચાહ હોય અને કરુણા હોય તો કોઈ પણ વ્યક્તિ અન્ય લોકો સુધી મદદનો હાથ લંબાવી શકે છે એ સાબિત કર્યું રિક્ષા-ડ્રાઇવર રામલાલ ચૌધરીએ.
૨૬ વર્ષનો રિક્ષા-ડ્રાઇવર રામલાલ તેની રિક્ષામાં બેસનારા શારીરિક રીતે અક્ષમ લોકોને રિક્ષાભાડામાં ૧૦ રૂપિયાનું ડિસ્કાઉન્ટ આપે છે.
‘અપંગ વ્યક્તિ કો ૧૦ રૂપિયે કા ડિસ્કાઉન્ટ’ એમ રિક્ષાની પાછળના ભાગમાં મોટા અક્ષરોમાં લખાવનાર રામલાલ જોઈ ન શકતા, શારીરિક રીતે અક્ષમ કે ઈવન કમર પર મેડિકેટેડ બેલ્ટ બાંધનાર વ્યક્તિ પાસેથી જે ભાડું થયું હોય એના કરતાં દસ રૂપિયા ઓછા લે છે. અરે, મીટરભાડું ૧૮ રૂપિયા થયું હોય તો પણ આ બડા દિલવાળો રિક્ષાવાળો ૧૦ રૂપિયા ડિસ્કાઉન્ટ આપીને આવા ઉતારુઓ પાસેથી ફક્ત આઠ રૂપિયા જ ભાડું લે છે. ૨૦૧૨ના જાન્યુઆરી મહિનાથી આવી સેવા શરૂ કરનાર રામલાલ કહે છે કે શારીરિક રીતે અક્ષમ લોકોને ભગવાને કેટલીયે તકલીફો આપી છે તો મારે મારી રીતે તેમને મદદ કરવી જોઈએ.
No comments:
Post a Comment