Part 2....................એક બાજુ લહુ-જિહાદ (ખૂનામરકી) બીજી બાજુ લવ-જિહાદ (પ્રેમ જાળ)

લેખાંક-2

એક બાજુ લહુ-જિહાદ (ખૂનામરકી) બીજી બાજુ લવ-જિહાદ (પ્રેમ જાળ)

                                                                                                  - સુરેશ ગાંધી

અકબર બાદશાહે એક વાર સંત દાદૂને પ્રશ્ર્ન પૂછ્યો, ``ખુદાની જાત બતાવો. ખુદાનો રંગ ઓળખાવો. ખુદાનું વજૂદ કહો. તેનું શરીર કેવું છે તે કહો ! આ ચાર પ્રશ્ર્નોના ઉત્તરમાં દાદૂએ એક દોહો કહ્યો...
``ઇશ્ક ખુદાકી જાત હૈ, ઇશ્ક ખુદાકા રંગ
ઇશ્ક ખુદા-ઈ-વજૂદ હૈ, ઇશ્ક ખુદાકા અંગ.
સર્વ પ્રશ્ર્નોનો એક જ જવાબ છે - `ઇશ્ક'.

`ઇશ્ક' એટલે પ્રેમ. પણ વિચારકોએ ઇશ્કના પણ બે પ્રકાર બતાવ્યા છે : (1) એક ઇશ્કે હકીકી (2) અને બીજો ઇશ્કે મિજાજી. ઇશ્કે હકીકી એટલે પરમતત્ત્વ સાથે મળવાનો નિર્મળ પ્રેમમાર્ગ, અને ઇશ્કે મિજાજી એટલે હુશ્નથી આકર્ષાઈ તેના ઉપભોગ માટે જિસ્મ (દેહ) મેળવવાનો પ્રેમમાર્ગ. લવ-જિહાદીઓએ ઇશ્કે મિજાજીનો પ્રેમમાર્ગ પસંદ કર્યો છે. આ માર્ગે બિન-મુસ્લિમ યુવતીઓને ફસાવવાની અનેક ચોંકાવનારી ઘટનાઓ ઘટી છે જેની નોંધ કેરળની અગ્ર પત્રિકાઓએ લીધી છે. `ધ જન્મભૂમિ'ના 17 સપ્ટેમ્બર, 09ના અંકમાં દર્શાવ્યા મુજબ પાકિસ્તાન સ્થિત લશ્કરે તોઈબાએ લગભગ 1996ની આસપાસમાં લવ-જિહાદના આ કાવતરાનું અમલીકરણ કરવાની શરૂઆત કરી. પાકિસ્તાનમાં તાલીમ પામેલા લવ-જિહાદી રોમિયોએ ઉત્તરપ્રદેશના મેરઠમાં સૌ પ્રથમ શરૂઆત કરી. સન 1996-98ના સમયગાળામાં અખબારી રિપોર્ટ અનુસાર ઉત્તરપ્રદેશમાં અનેક યુવતીઓ લવ-જિહાદનો ભોગ બની. લવ-જિહાદનો બીજો તબક્કો મહારાષ્ટ્રમાં પૂણેની આસપાસ શરૂ થયો. સન 2004માં આ ઑપરેશન બેંગ્લોરમાં થયું અને ત્યાંથી આ ષડયંત્ર સમગ્ર કર્ણાટક, તામિલનાડુ અને કેરળમાં વાવાઝોડાની માફક વ્યાપી ગયું. આની અનેક ઘટનાઓ ધીમે ધીમે પત્રકારો બહાર લાવતા ગયા.
`ધ જન્મભૂમિ' 18 સપ્ટેમ્બર, 09ના અંકમાં Romance, Mates prey' મથાળા હેઠળ છપાયેલી ઘટનાઓ આ મુજબ હતી.
કોઈમ્બતૂરની એક કૉલેજમાં અભ્યાસ કરતી એક તરુણીને ત્યાંની ઈખજ કૉલેજના એક રોમિયોએ પ્રેમજાળમાં ફસાવી. લગ્ન કરવાના વચન સાથે તરુણીને બેંગ્લોર લઈ જવામાં આવી, ત્યાં તેનું ધર્મપરિવર્તન કરવામાં આવ્યું. તેના આશ્ર્ચર્ય સાથે તેની મધુરજનીની રાત્રે તેનો પતિ નહીં પણ છથી સાત જેટલા તેના પતિના મિત્રોએ તેના કક્ષમાં પ્રવેશ કર્યો અને સાત દિવસ સુધી તેના પર તમામ નરાધમોએ બળાત્કાર ગુજાર્યો. આખરે હોટેલના વેઇટરની મદદથી તે છટકી જવામાં સફળ રહી.
બીજી ઘટના કોઝીકોડ એન્જિનિયરિંગ કૉલેજમાં ભણતી એક તરુણીની સાથે મલપ્પુરમના જલાલુદ્દીન નામના યુવકે સેલફોન દ્વારા વારંવાર સંપર્ક કરી પોતાની પ્રેમજાળમાં ફસાવી. તેની સાથે લગ્ન કરવાના બહાને તેને એક જૈન રીસોર્ટમાં લઈ જવામાં આવી. ત્યાં યુવકે આ તરુણી સાથે શારીરિક સંબંધો બાંધી તેને રખડતી મૂકીને ભાગી ગયો.

40 યુવતીઓનું મતાંતરણ

`મંગલમ્‌' પત્રિકાના ફેબ્રુઆરી 09ના અંકમાં '40 Religious conversions in kozhikoda in the last month મથાળા હેઠળ છપાયેલા સમાચારમાં લખ્યું હતું કે `મેંગ્લોરમાં એક લઘુમતી ટ્રસ્ટ દ્વારા ચલાવાતી નર્સિંગની એક સંસ્થામાં દાખલ થયેલી યુવતીઓમાંથી માત્ર ગયા મહિને જ 40 વિદ્યાર્થિનીઓનું આ જ સંસ્થામાં ધર્મપરિવર્તન કરવામાં આવ્યું છે, જેમાં 32 હિન્દુ તરુણીઓ છે અને 8 ખ્રિસ્તી તરુણીઓ છે; જેમાંથી 6 કર્ણાટક અને આંધ્રની અને બાકીની તમામ કેરાલાની હતી. આ લઘુમતી ટ્રસ્ટ મેંગ્લોરમાં બે કૉલેજો ચલાવે છે જે ખૂબ ઓછી ફી વિદ્યાર્થીઓ પાસેથી લઈ અહીં પ્રવેશ મેળવવા તેમને લલચાવે છે. સમાચાર અનુસાર ભોગ બનેલને ટેરરીસ્ટ બનાવવામાં આવે છે. આ એ જ સંસ્થા છે જેમાંથી વર્ગીસ જૉસેફ ઊર્ફે મોહંમદ યાસીન નામનો ત્રાસવાદી પેદા થયો હતો, જેને જમ્મુ પોલીસે ઠાર માર્યો હતો.
`ધ જન્મભૂમિ' 18 સપ્ટેમ્બર, 09ના અંકમાં છપાયેલ પોલીસના ક્રાઇમ રકોર્ડ બ્યુરોના તારણ મુજબ 2007માં 2167 અને 2008માં 2530 જેટલી યુવતીઓ ઘર છોડી ભાગી ગઈ છે. આ ભાગેડુ તરુણીઓ મોટે ભાગે અખાતી દેશોના કૂટણખાનામાં ધકેલાઈ જાય છે. અખાતી દેશોમાં ભારત, પાકિસ્તાન અને બાંગ્લાદેશમાંથી ખૂબ મોટી સંખ્યામાં યુવકો રોજગારી અર્થે આવે છે. અખાતી દેશોમાં વેશ્યાવૃત્તિ ચલાવતી આરબ અને ગોરી વેશ્યાઓ આ એશિયાઈ યુવકોને હલકી નજરે જુએ છે. તેમના સંસર્ગમાં રહેવાનું તે પસંદ કરતી નથી. પોતાની શારીરિક સેવાઓ આપવાનું આ વેશ્યાઓ ટાળે છે. તેથી અખાતી દેશોમાં ભારત જેવા દેશોમાંથી આવેલી યુવતીઓની આ ધંધામાં ખૂબ મોટી માંગ છે.
લવ-જિહાદીઓ ઉચ્ચ કૂળના પરિવારોની યુવતીઓને ખાસ શિકાર બનાવે છે. પંજાબની સુપ્રસિદ્ધ લેખિકા અમૃતા પ્રિતમની પ્રેમ ચર્ચા સમગ્ર પંજાબમાં ચર્ચાના ચગડોળે ચડેલી. આ અમૃતા પ્રિતમે 100 કરતા પણ વધારે ગ્રંથો લખ્યા હતા. તે ઉત્તમ સાહિત્ય સર્જક હતી. આ સુપ્રસિદ્ધ લેખિકાને જ્ઞાનપીઠ એવોર્ડ પણ એનાયત કરવામાં આવ્યો હતો. આવી મહિલા પણ પ્રેમના ચક્કરમાં ફસાઈ અને અમરોઝ નામના મુસ્લિમ ચિત્રકારની જીવન સંગીની બની ગઈ હતી.
સૌથી ચકચાર મચાવનાર લવ-સ્ટોરી તો છત્તીસગઢના મુખ્યમંત્રી અજીત જોગીની પુત્રી અનુશાની છે. 20 વર્ષની અનુશાને એક લવ-જિહાદી રોમિયોએ પ્રેમમાં ફસાવી. દિલ્હીની સેન્ટ સ્ટિફન્સ કૉલેજમાં અભ્યાસ દરમિયાન આ રોમિયોએ અનુશાને જાળમાં ફસાવેલી. અનુશા આ રોમિયો સાથે લગ્ન કરવા પણ તૈયાર થઈ ગઈ હતી પરંતુ અજીત જોગીને ખબર પડી જતાં તેમણે પોતાની પુત્રી અનુશાને અમેરિકા ભણવા માટે મોકલી આપી. તો પેલો લવ-જિહાદી રોમિયો પણ અમેરિકા પહોંચી ગયો. આખરે પિતાએ અનુશાને પાછી ઇન્દોર બોલાવી લીધી. પણ આ લવ-સ્ટોરીનો અંત અત્યંત કરુણ આવ્યો. અનુશાએ 12-5-2000ના રોજ આત્મહત્યા (?) કરી લીધી.

મુસ્લિમ યુવતી હિંદુના પ્રેમમાં પડે તો?
અલબત્ત આનાથી ઊલટી ઘટના બને એટલે કે જો મુસ્લિમ યુવતી હિન્દુ યુવકના પ્રેમમાં પડે તો યુવકને જ મરવું પડે છે. બેંગ્લોરમાં આવી જ એક ઘટના બની જેમાં ખ્રિસ્તી યુવકે એક મુસ્લિમ યુવતી સાથે લગ્ન કર્યું તો યુવકની પીઠમાં છરો ભોંકી તેને મારી નાખવામાં આવ્યો.
તાજેતરમાં જમ્મુમાં રાકેશ શર્મા નામના યુવકે અમીના નામની મુસ્લિમ યુવતી સાથે લગ્ન કર્યું. અમીનાએ હિંદુ ધર્મ અપ્નાવ્યો. તો જમ્મુની પોલીસે બંનેને પરેશાન કરી નાખ્યાં. અનેક ખોટા કેસ રાકેશ સામે દર્જ કરી તેને હવાલાતમાં બંધ કરી દીધો. એવું કહેવાય છે કે જેલમાં જ રાકેશને ફાંસીના દોરડે જમ્મુની પોલીસ દ્વારા લટકાવી દેવામાં આવ્યો. આજે નિરાધાર અમીના ન્યાય માગે છે. જોકે પોલીસે આને આત્મહત્યાની ઘટનામાં ખપાવી દીધી છે. ઑગસ્ટ 2009ના `માતૃભૂમિ' પત્રિકાના અંકમાં એક કિસ્સો વર્ણવ્યો છે, તે આ મુજબ છે. પુલીમઠનો રામમોહન અને કટુપુરમની મુસ્લિમ યુવતી શમાઅનમોલ એકબીજાના પ્રેમમાં પડે છે. તામિલનાડુના એક મંદિરમાં બંનેનાં લગ્ન યોજાય છે. યુવતી હિંદુ ધર્મ અંગિકાર કરે છે. યુવતીના પિતાએ કરેલી ફરિયાદના સંદર્ભમાં આ દંપતીને ત્રિવેન્દ્રમની કોર્ટમાં રજૂ કરવામાં આવે છે. શમાના નિવેદનને આધારે કોર્ટ બંનેનાં લગ્ન માન્ય કરી સાથે રહી શકવાનો ચુકાદો આપે છે. જોકે તે જ રાત્રે શમાના મુસ્લિમ સંબંધીઓનું મોટું ટોળું રાજમોહનના ઘરે આવી જબરજસ્તીથી શમાને ઉઠાવી જાય છે.
હવે આપણે આ સમસ્યાના મૂળ સુધી જઈને વિચારીએ કે હિન્દુ તરુણીઓ લવ-જિહાદમાં કેમ ફસાય છે ?

કેરળની મહિલાઓની માનસિકતા
કેરળ સરકારની 2001ની જનગણના અનુસાર કેરળમાં દર 1000 પુરુષોના અનુપાતમાં 1058 મહિલાઓ છે. કેરળમાં કેળવણીનું પ્રમાણ ઊંચું છે. કેરળનો જન-કાર્યસમૂહ (work force) ખૂબ ઊંચો છે. વળી અહીં મહિલાઓ પરંપરાગત રીતે અનેક વ્યવસાયોમાં (Dominant) પ્રભુત્વ ધરાવે છે. કેરળની યુવતી (career conscious) કારકિર્દી બનાવવા અતિ આતુર છે. તે પ્રગતિશીલ વિચારોવાળી (progressive) છે. ભારતની સુપ્રીમ કોર્ટની પ્રથમ મહિલા જજ કેરળની હતી. પહેલી મહિલા સર્જન પણ કેરળની હતી. કેરળમાં અનેક માતૃવંશી પરિવારો છે, જેમાં પુરુષ નહીં પણ મહિલા પરિવારની મુખિયા છે. ટૂંકમાં કેરળની યુવતી આક્રમક અને પ્રગતિશીલ (agrassive and progressive) છે. આ બધાં કારણોથી તે જલદીથી લલચાઈને લવ-જિહાદમાં લપટાઈ જાય છે.
સમાજ પર સામ્યવાદનો પ્રભાવ

કેરળના સમાજમાં સામ્યવાદ (communism)નો જબરો પ્રભાવ છે. મોટા ભાગના સામ્યવાદીઓ ઐજ્વા જાતિના છે. ઐજ્વા જાતિ સામાજિક રીતે પછાત જાતિ ગણાય છે. અનેક વર્ષોથી સામાજિક અને આર્થિક રીતે પછાતપણાનો ભોગ બનેલી કેરળની તમામ જ્ઞાતિઓ ત્યાંના ઉચ્ચ વર્ગ માટે ભારે રોષ ધરાવે છે. સામ્યવાદી બનતાં આ લોકો હિન્દુ-વિરોધી, ધર્મ-વિરોધી, ઈશ્ર્વર-વિરોધી બની ગયા છે. તેમના પરિવારમાં ધર્મના સંસ્કારોનાં મૂળિયાં ક્ષીણ થઈ ગયાં છે. સામ્યવાદી
પરિવારોમાંથી હિંદુ દેવ-દેવીઓની મૂર્તિઓ, તસવીરો, હિન્દુ ચિહ્નોનો લોપ થવા માડ્યો છે. આને પરિણામે આ કહેવાતા હિન્દુ પરિવારોમાં આસ્થા (Faith)નો જબરદસ્ત ખાલીપો ઊભો થયો છે. તેમના જીવનનો આધ્યાત્મિક આધાર તેમણે ગુમાવી દીધો છે. નવી પેઢીને હિન્દુત્વનું કંઈ જ્ઞાન નથી. તેમનાં માતાપિતા મંદિરે જતાં નથી, તેમજ કોઈ ધાર્મિક સાહિત્ય વાંચતાં નથી, કોઈ ધાર્મિક વિધિ પણ પરિવારમાં થતી નથી.
તેનાથી ઊલટું ઘણા હિંદુ પરિવારોમાં તો ખ્રિસ્તી અને ઇસ્લામ ધર્મનાં ધાર્મિક ચિહ્નો અને સાહિત્ય જોવા મળે છે, કારણ કે આ લોકો પોતાને પ્રગતિશીલ અને સેક્યુલર બતાવવા માગે છે. વધુમાં તેમના જીવનમાં ધર્મનું સ્થાન સત્તા (ાર્જ્ઞીયિ)એ લીધું છે. તેથી સત્તા માટે બે મોટાં ગઠબંધનોમાં હિંદુ સમાજ વહેંચાઈ ગયો છે. પછાત ઐજ્વા હિંદુઓએ મુસ્લિમો સાથે ગઠબંધન કર્યું છે જ્યારે ઉચ્ચ વર્ગના નાયરોએ ખ્રિસ્તીઓ સાથે ગઠબંધન કર્યું છે. પરિણામે ત્યાંનો હિંદુ ઐજ્વા, હિંદુ નાયર કરતાં કેરળના મુસ્લિમની વધારે નજીક છે અને હિંદુ નાયર, હિંદુ ઐજ્વા કરતાં કેરળના ખ્રિસ્તીની વધારે નજીક છે. આ સ્થિતિમાં હિંદુ વિચાર માટે મોકળાશ રહી નથી. આમ હિંદુ વિચાર મંદ પડતાં પ્રગતિશીલ, આધુનિક વિચારોવાળી, યુનિવર્સિટીની ડિગ્રી ધરાવતી, કેરિયર ભૂખી યુવતી સહેલાઈથી લવ-જિહાદનો ભોગ બની જાય છે કારણ કે હિંદુત્વનું ગૌરવ કે જેની જડો વ્યક્તિને પોતાના ધર્મમાં જકડી રાખે છે તે હિંદુ-ગૌરવ જ ઢીલું અને સુસ્ત બની ગયું છે. (નોંધ - જોકે થોડાં વર્ષોથી હવે કેરળમાં ભારે ગતિથી હિન્દુ જાગરણ અને હિંદુ સંગઠન થઈ રહ્યું છે તેની નોંધ આખો દેશ લઈ રહ્યો છે)
લવ-જિહાદનો ભોગ બનેલી એક યુવતીના પિતા જે સરકારી અધિકારી હતા, તેમની સાથેની એક મુલાકાતમાં તેમણે દિલ ખોલીને અત્યંત નિખાલસપણે જે કથની કહી તે નીચે પ્રમાણે છે. તેમણે કહ્યું...
``મારી પુત્રી લઘુમતી સંચાલિત એક એન્જિનિયરિંગ કૉલેજમાં ડિગ્રીના છેલ્લા વર્ષમાં અભ્યાસ કરતી હતી. કૉલેજના લવ-જિહાદી રોમિયોએ આ કૉલેજની દસથી બાર યુવતીઓને શિકાર બનાવી જેમાં મારી પુત્રી પણ હતી. પરીક્ષાના અંતિમ દિવસે તે પરીક્ષા આપ્યા બાદ ઘરે પાછી આવી જ નહીં. મોડી રાત્રે એક રોમિયોનો ફોન મારા પર આવ્યો કે મારી પુત્રીનું લગ્ન થઈ ગયું છે અને તેણે મુસ્લિમ ધર્મ સ્વીકારી લીધો છે. મારી પુત્રી શાંત સ્વભાવની અને અભ્યાસમાં તેજસ્વી હતી. તે ગીતા, બાઇબલ અને કુરાનનો પણ અભ્યાસ કરતી.
મને લાગ્યું કે તે બધા ધર્મોનો તુલનાત્મક અભ્યાસ કરી રહી છે. પણ પાછળથી મને ખબર પડી કે તેની પાસે મલયાલમ ભાષામાં છપાયેલું ઇસ્લામ ધર્મનું અઢળક સાહિત્ય હતું. લવ-જિહાદીએ તેનું બ્રેઇન-વૉશીંગ કરી નાખ્યું હતું. તે ઇસ્લામથી પ્રભાવિત થઈ ચૂકી હતી. તેણે મંદિરે જવાનું બંધ કર્યું હતું. તેણે કપાળમાં બિંદી લગાવવાનું બંધ કર્યું હતું. હું તેને આગ્રહ કરી શકતો ન હતો, કારણ કે હું જ સામ્યવાદી હોવાથી મંદિરે જતો ન હતો. વધુમાં મારા ઘરમાં ધર્મના સંસ્કારો મળે તેવું કોઈ વાતાવરણ ન હતું. મારી પુત્રીમાં થતાં પરિવર્તનો ઓળખવામાં હું નિષ્ફળ નીવડ્યો હતો. આમ મારી એક પુત્રી તો ચાલી ગઈ પણ હવે મને મારી બીજી પુત્રીની ચિંતા છે. અગાઉની ઘટનાનું પુનરાવર્તન મારા પરિવારમાં ન થાય તેની હું કાળજી રાખું છું.

શિક્ષણ ક્ષેત્રમાં સંસ્કારનો ખાલીપો
સન 1956માં કેરળ પ્રદેશ અલગ બન્યો ત્યારથી આજ દિન સુધી શિક્ષણમંત્રી તરીકે માત્ર એક હિન્દુને બાદ કરતાં બાકીના તમામ શિક્ષણમંત્રીઓ અ-હિન્દુ રહ્યા છે. વધુમાં કેરળના જીવનમાં ખ્રિસ્તી, મુસ્લિમ અને સામ્યવાદીઓના પ્રભાવને કારણે કેરળનાં પાઠ્યપુસ્તકોમાંથી હિંદુ દેવ-દેવીઓ, સંતો, મહાપુરુષો, સમાજસુધારકો તથા હિંદુ સંસ્કારોને દ્ઢ બનાવે તેવી તમામ વિગતો કાઢી નાખવામાં આવી છે.
એક રસપ્રદ ઘટના એવી પણ છે કે સન 1973માં પંડિત નહેરુનાં લખાણોનો એક સંગ્રહ કેરળની શાળાઓમાં પાઠ્યપુસ્તક તરીકે લેવાનો નિર્ણય થયો. આ પુસ્તકમાં સ્વતંત્રતા પૂર્વેની મુસ્લિમ લીગની પ્રવૃત્તિઓની સમીક્ષા કરવામાં આવી હતી અને લીગની નીતિઓની ટીકા પણ કરવામાં આવી હતી. કેરળની મુસ્લિમ લીગે આનો જબરદસ્ત વિરોધ કર્યો. પરિણામે કેરળની શાળાઓમાં અભ્યાસક્રમમાંથી નહેરુનું આ પુસ્તક પાછું ખેંચી લેવામાં આવ્યું. રાજનીતિનો કરિશ્મા ગણાતી અને પાકિસ્તાનના ટુકડા કરી નાખનાર લોખંડી મહિલા ઇન્દિરા ગાંધી પણ કેરળના મુસ્લિમોની જીદ આગળ ઝૂકી ગયાં.
તરૂણીઓ પર બોલીવુડનો પ્રભાવ
કેરળની નવી પેઢીમાં બોલીવુડનો ભારે પ્રભાવ છે. જોકે કેરળમાં મલયાલમ ફિલ્મોની ભરમાર છે છતાં હિન્દી ફિલ્મો ત્યાં ભારે લોકપ્રિય છે. છેલ્લા બે દશકામાં સંખ્યાબંધ મુસ્લિમ હીરો ફિલ્મમાં ચમકવા લાગ્યા છે. અગાઉ બોલીવુડની ફિલ્મો પારસી, મારવાડી, સિંધી, ભાટિયા અને લોહાણા વેપારીઓના પૈસાથી બનતી.
હવે આ ફિલ્મોમાં અન્ડરવર્લ્ડનું અઢળક નાણું ઠલવાતું હોવાથી યોજના અનુસાર કતારબંધ મુસ્લિમ ખાનો હીરો બનીને આવી ગયા છે. અનુપમખેરની ફિલ્મ ધ વેન્સ ડે માં એક્ટર બનવાની ઇચ્છા ધરાવતો એક યુવક પોલીસ ઓફિસર સાથેની વાતચીતમાં બોલે છે `સર ફિલમ મૈં હમ હીરો કૈસે બન સકતે હૈં, વહાઁ તો સબ ખાન હી ખાન હૈં.' થિયેટરો અને ચનલો પર દર્શાવતી હિન્દી ફિલ્મોમાં શાહરૂખખાન, સલમાનખાન, આમિરખાન, સૈફ અલીખાન, અરબાજખાન, સોહિલખાન, ફરદીનખાન, ઈમરાન હાશ્મી અને અમીરખાનના ભાણિયા ઇમરાનખાનથી માંડી ફરહાન અખ્તર સુધીના મુસ્લિમ હીરો હિન્દુ હીરોઈનો સાથે ભરપૂર રોમાન્સ કરતા બતાવવામાં આવે છે તેની સૂક્ષ્મ અસર આ કુમળી અને નબળા મનની હિન્દુ તરુણીઓ પર પડે છે. આ મુસ્લિમ અભિનેતાઓ હિન્દુ તરુણીઓના મનના માણીગર અજાણપણે બની જતા હોય છે. તરુણી વિચારે છે કે ફિલ્મની હિન્દુ હીરોઈન કોઈ મુસ્લિમ ખાન સાથે રોમાન્સ કરતી હોય તો હું પણ કોઈ ખાન સાથે રોમાન્સ કેમ ન કરું ? નબળી માનસિકતાવાળી આ હિન્દુ તરુણીઓના મનમાં રોમાન્સનાં બીજ વવાઈ ગયા બાદ શાહીન ફોર્સ જેવી મુસ્લિમ મહિલા ગેંગો ઇશ્કની વાડ પર ઊભેલી તરુણીને સંયમની વાડ ઠેકીને કોઈ રોમિયોએ પાથરેલી જાળમાં કબૂતરીની માફક ફસાઈ જવામાં ધક્કો મારવાનું કામ કરે છે.
અંગ્રેજીમાં જેને silly sixteen કહે છે તેવી ટીનેજર્સ તરુણીઓ 16 વર્ષની ઉંમરે (silly) મૂર્ખ, ભાવુક, ભોળી હોય છે. તેની આ અવસ્થા પણ તેને લવ-જિહાદનો શિકાર બનાવી દે છે.
બોલીવુડનો તરુણીઓના મન પર કેટલો પ્રભાવ હોય છે તે બાબતની એક ચોંકાવનારી ઘટના મુંબઈમાં બનેલી. કૌશલ્યા સુદર્શન નામની એક તરુણી મુંબઈમાં કફ પરેડમાં રહે છે. તે શાહરૂખ ઉપર એટલી ફિદા હતી કે એક દિવસ આવેશમાં આવી જઈ શાહરૂખનો ફોટો છાતીસરસો ચાંપી ત્રીજા માળેથી ભૂસકો માર્યો. સદ્‌ભાગ્યે તે ફ્રેક્ચર સાથે બચી ગઈ. પણ આ ઘટનાની નોંધ વર્તમાનપત્રોએ લઈ તરુણીઓની માનસિકતા તરફ સમાજનું ધ્યાન દોરવાનો અવશ્ય પ્રયત્ન કર્યો હતો.
અંતમાં....

વાચક મિત્રો, આ લવ-જિહાદીઓ માત્ર હિન્દુ અને ખ્રિસ્તી તરુણીઓને જ શિકાર બનાવે છે એવું નથી, તેઓ હિન્દુ અને ખ્રિસ્તી યુવકોને પણ લવ-જિહાદના ષડયંત્રમાં ફસાવી તેમને બરબાદ કરે છે.

Don't miss story on Love Jihad....

એક બાજુ લહુ-જિહાદ (ખૂનામરકી) 

બીજી બાજુ લવ-જિહાદ (પ્રેમ જાળ)     - સુરેશ ગાંધી

(PART -1)

એક નૉર્વેજીયન ઈમામ મુલ્લા અને એક યુરોપીય પત્રકાર વચ્ચે ગરમાગરમ ચર્ચા શરૂ થઈ ગઈ. વર્ષ હતું 2006નું. પત્રકાર હતો ઑસ્લો ન્યૂઝપેપર 'Dagbladet'નો. પત્રકારે કરેલી દલીલોના કોઈ જવાબ મુલ્લા પાસે ન હતા ત્યારે છંછેડાઈને મુલ્લાજીએ પત્રકારને દમ મારતાં કહ્યું, `તમારું પરિવર્તન કરનાર એક માત્ર અમે જ છીએ તે ધ્યાનમાં રાખજો. યુરોપમાં જે રીતે પરિવર્તન થઈ રહ્યું છે તેનો તમને ખ્યાલ આવે છે ને ? યુરોપમાં મચ્છરોની માફક મુસલમાનોની વસતિ વધી રહી છે. પશ્ર્ચિમ યુરોપ્ની એક મહિલા સરેરાશ 1.4 બાળકો પેદા કરે છે, જ્યારે યુરોપમાં જ રહેતી મુસ્લિમ મહિલા 3.5ના દરે બાળક પેદા કરી રહી છે. હવે કહો યુરોપ્નું ભવિષ્ય કેવું હશે ? યાદ રાખો અમારી વિચારવાની પદ્ધતિ તમારી પદ્ધતિ કરતાં વધારે શક્તિશાળી છે.'
આ માત્ર એક મુલ્લા બોલતા ન હતા પણ સમગ્ર મુસ્લિમ દુનિયાની જગતને દહલાવી દેનાર દહાડ હતી. ઇસ્લામની કલ્પ્ના મુજબ સમગ્ર વિશ્ર્વને દાર-ઉલ-ઇસ્લામ એટલે માત્ર ઇસ્લામ ધર્મની ભૂમિ બનાવી દેવાના ખ્વાબને સાકાર કરવાના અનેક રસ્તા અજમાવાયા છે તેમાં પહેલો માર્ગ:- `કાં તો ઇસ્લામ કબૂલ કરો અથવા મૌત સ્વીકારો'નું સૂત્ર લઈ જબરદસ્તીથી ધર્મપરિવર્તન કરાવી ઇસ્લામની ભૂમિ બનાવવી. વર્તમાન વિશ્ર્વના અનેક દેશો આ રીતે મુસ્લિમ દેશ બનેલ છે. બીજો માર્ગ:- ઇસ્લામ શ્રેષ્ઠ માર્ગ છે તેવો પ્રચાર કરીને ઇસ્લામનો ફેલાવો કરવો, પરંતુ આ માર્ગે ઇસ્લામને નોંધપાત્ર સફળતા મળી નથી. ત્રીજો માર્ગ:- દેશમાં વસતા બિન-મુસ્લિમ લોકોને હાંકી કાઢી ઇસ્લામની ભૂમિ બનાવવી દા.ત. કાશ્મીર, બાંગ્લાદેશ, પાકિસ્તાન વગેરે. ચોથો માર્ગ:- પડોશી દેશમાં ઘૂસણખોરી કરી મુસ્લિમોની વસતિ વધારવી દા.ત. આસામ, પ. બંગાળ વગેરે. પાંચમો માર્ગ - એક કરતાં વધારે પત્ની રાખી અનેક બાળકો પેદા કરી વસતિ વધારવી. છઠ્ઠો માર્ગ છે - લવ-જિહાદનો. લવ-જિહાદ અંતર્ગત બિન-મુસ્લિમ તરુણીઓને બનાવટી પ્રેમ દ્વારા ફસાવી, તેમને મુસ્લિમ બનાવી તેમની સાથે શાદી કરી લેવી અને વિશ્ર્વભરમાં ચાલતી જિહાદ માટે શક્ય હોય તો આ મહિલાઓનો ઉપયોગ કરવો. કટ્ટરવાદીઓને વિશ્ર્વાસ છે કે જે દરે અત્યારે મુસ્લિમ વસતિ વિશ્ર્વભરમાં વધી રહી છે તે જોતાં 2050 સુધીમાં અનેક દેશોમાં મુસ્લિમ કાં તો બહુમતીમાં હશે અથવા તો પ્રભાવશાળી લઘુમતીમાં તો હશે જ. કેટલાક નિષ્ણાતોના મત મુજબ આ સદીના અંત પહેલાં કદાચ હિંદુ જ આ દેશમાં લઘુમતીમાં હશે તેવી શંકા વ્યક્ત કરાઈ છે.
સ્ટીફન બ્રાઉન નામના લેખકે 16 ઑક્ટોબર, 2009માં 'The love Jihad' શીર્ષક હેઠળ લખેલા લેખમાં કહ્યું
છે કે -
Love Jihad is a form of demographic aggression. Like the stealth Jihad, which employs political activiser to achieve Islamist aims in western societies. It employs deception and is viewed as an useful tactic in bringing about Islamic world domination. જિહાદ બે પ્રકારની દેખાય છે (1) ઉગ્ર જિહાદ, જેમાં મુસ્લિમો આતંકવાદી ગતિવિધિ કરે છે. શસ્ત્રોનો ઉપયોગ થાય છે. (2) Stealth Jihad, ચૂપચાપ થતી જિહાદ જે દેખાવમાં આ પ્રકારની પ્રવૃત્તિમાં જિહાદની ભૂમિકા શાંત અને ચૂપચાપ રીતે તૈયાર કરવામાં આવે છે. જેમાં Love-Jihadનો એક વધુ ઉમેરો થયો છે. લવ-જિહાદમાં ક્યાંય (Love) પ્રેમ નથી. માત્ર બિન-મુસ્લિમ (હિન્દુ - ખ્રિસ્તી - યહૂદી) લોકો પ્રત્યેની ઘૃણામાંથી પેદા થયેલ રણનીતિ છે. દરેક મુસ્લિમ યુવક લવ-જિહાદ બાબતે અતિ ઉત્સાહી છે, કારણ કે તેમાં તેને કંઈ જ ગુમાવવાનું નથી. અનેક યુવકો લવ-જિહાદના ટ્રેક-શૂઝ પહેરી લવ-રેસમાં દોડવા હણહણાટી સાથે થનગને છે.

માત્ર યુવતીઓ જ નહીં, યુવકો પણ શિકાર
લવ-જિહાદની બીજી વિશેષતા એ છે કે માત્ર યુવતીઓ જ નહીં, યુવકોને પણ લવ-જિહાદના ફાંસલામાં ફસાવવામાં આવે છે. તાલીમ પામેલી મુસ્લિમ યુવતી બિન-મુસ્લિમ યુવકને પોતાની પ્રેમજાળમાં ફસાવી તેને મુસ્લિમ બનાવે છે. ઇસ્લામનું શિક્ષણ આપી આ યુવકના મનમાં તેના પોતાના ધર્મની વિરુદ્ધ વિષ ભરવામાં આવે છે. તેનામાં ઇસ્લામ માટે અહોભાવ ઉત્પ્ન્ન કરવામાં આવે છે. દુનિયામાં મુસ્લિમો પ્રત્યે થતા અન્યાય અને તેમની ઉપર ગુજારાતા ત્રાસની વિડિયો ફિલ્મ બતાવી તેનું બ્રેઈન-વૉશ કરવામાં આવે છે. મુસ્લિમ બનેલ આ યુવકની આંખોમાં ઝનૂન અને જિહાદનું ઝેર આંજવામાં આવે છે. આખરે આ યુવક હાથમાં ધારણ કરે છે હથિયાર અને બની જાય છે ત્રાસવાદી. બસ, ખેલ ખતમ. આ જિહાદીઓને મરવા માટે જે બકરો જોઈએ છે તે આસાનીથી મળી જાય છે.

પ્રાણેશ બન્યો જાવેદ

હિન્દુ મટી મુસલમાન ત્રાસવાદી બનેલ યુવકોમાં સૌથી ચોંકાવનારી ઘટના પ્રાણેશ પિલ્લાઈની છે. કેરળનો આ પ્રાણેશ પિલ્લાઈ 15/જૂન/2004ના રોજ કેટલાક આતંકવાદી તથા પાકિસ્તાની નાગરિકો સામે કારમાં બેસી ગુજરાતમાં આવ્યો હતો અને ગુજરાતની પોલીસે પ્રાણેશ તથા અન્ય ત્રાસવાદીઓને ઠાર માર્યા, કારણ કે તે બધા ગુજરાતના મુખ્યમંત્રીની હત્યા કરવાના બદઇરાદાથી આવ્યા હતા. પ્રાણેશ નામના આ હિન્દુ યુવકને સાજિદા નામની મુસ્લિમ યુવતીએ લવ-જિહાદમાં ફસાવ્યો. સાજિદાને પરણવા માટે પ્રાણેશે 1995માં મુસ્લિમ ધર્મ અપ્નાવ્યો અને તે પ્રાણેશમાંથી જાવેદ બની ગયો. મુસ્લિમ બન્યા પછી તેનું બ્રેઈન-વૉશીંગ કરવામાં આવ્યું.
તેને ઘોર હિન્દુ-વિરોધી બનાવી દેવામાં આવ્યો. 1997માં પ્રાણેશ ઉર્ફે જાવેદ સામે રાયૉટીંગના ચાર કેસ નોંધાયા હતા. આ પ્રાણેશ ઉર્ફે જાવેદને મુંબઈની ઈશરત જહાઁ નામની મુસ્લિમ યુવતી સાથે પણ સંબંધ હતા. આ ઈશરતે જાવેદને પ્રેમપાશમાં બાંધી ગુજરાતમાં આતંક સર્જવા માટે ઉશ્કેર્યો હતો તેવું મનાય છે. ઈશરત આતંકવાદી યુવતી હતી જ તેમાં કોઈ શંકાને સ્થાન નથી. જાવેદ અને ઈશરત પતિ-પત્નીના સંબંધો બતાવી હોટેલમાં રોકાતાં. ઈશરત જહાઁ હકીકતમાં પ્રાણેશ (જાવેદ)ની બીજી પત્ની હતી. ઑક્ટોબર 13, 2009ના 'The Hindu' દૈનિક પત્રિકા અનુસાર પ્રાણેશ અને ઈશરત લખનૌની મેજબાન હોટેલમાં 2004ના મે મહિનામાં એક જ રૂમ નંબર-204માં પતિ-પત્ની તરીકેની ઓળખ સાથે રોકાયાં હતાં. ઈશરત જહાઁને ગુજરાતમાં ઠાર માર્યા બાદ લશ્કરે તોઈબાના માઉથપીસ જેવા GHAZWA Timesએ જુલાઈ, 2004માં લખ્યું છે કે ઈશરત જહાઁ લશ્કરે તોઈબાની સક્રિય કાર્યકર (activist) હતી.
જૉસેફ બન્યો યાસીન
યુવકને લવ-જિહાદમાં ફસાવી તેને મુસ્લિમ ત્રાસવાદી બનાવવાની બીજી ઘટના વર્ગીસ જૉસેફની છે. વર્ગીસ જૉસેફ કેરળમાં અર્નાકુલમની એક ગુનેગાર ગેંગનો સાગરિત હતો. આ વર્ગીસ જૉસેફને પણ લવ-જિહાદનો શિકાર બનાવી તેને મુસ્લિમ બનાવી દેવાયો. હવે વર્ગીસ જૉસેફ મોહંમદ યાસીન બની ગયો. મુુસ્લિમ બનાવ્યા બાદ યોજના મુજબ તેને ત્રાસવાદી બનાવી દેવામાં આવ્યો. સદ્‌ભાગ્યે જમ્મુ-કાશ્મીરની ભારતીય સેનાએ આ વર્ગીસ જૉસેફ (યાસીન) અને બીજા ત્રણ મુસ્લિમ આતંકવાદીને ઠાર માર્યા હતા.
જૉસેફ ઉર્ફે મોહંમદ યાસીનને ઠાર માર્યા પછી ભારતીય ગુપ્તચર વિભાગે શોધી કાઢ્યું કે મુસ્લિમ બનેલ યુવકોને ત્રાસવાદી બનાવવાની ટ્રેનીંગ આપવાની શિબિરો કેરળ અને કર્ણાટકનાં ગીચ જંગલોમાં ચાલે છે. માહિતી મુજબ આશરે 200 જેટલા યુવકોને ત્રાસવાદીની ટ્રેનીંગ અપાઈ હતી. આ 200 યુવકોમાં 27 યુવકો હિન્દુ હતા અને 6 ખ્રિસ્તી હતા, જેમણે ઇસ્લામ કબૂલ્યો હતો. આ તમામ 33ને લવ-જિહાદના પેંતરામાં ફસાવી આતંકવાદી બનાવવામાં આવ્યા હતા. એવું મનાય છે કે આ શિબિરોમાં શ્રીલંકાના તમિળ ટાઇગર્સ (LTTE)ના આતંકવાદીઓ પણ આ યુવકોને પ્રશિક્ષણ આપતા હતા. એનો અર્થ એ થયો કે લવ-જિહાદીઓનો સંબંધ LTTE સાથે પણ છે.

માત્ર ભારતમાં જ નહીં, વિદેશમાં પણ લવ-જિહાદ

વધુ ચોંકાવનારી બાબત એ છે કે લવ-જિહાદ માત્ર ભારતમાં જ નથી ચાલતી. યુરોપ્ના અનેક દેશોમાં પણ આ પ્રવૃત્તિ ચાલે છે. અલબત્ત જે દેશમાં મુસ્લિમોની પ્રભાવી વસતિ છે ત્યાં પ્રભાવી ઢંગથી લવ-જિહાદની ગતિવિધિ ચાલે છે. બ્રિટનમાં આ પ્રવૃત્તિ ધમધમે છે. જે શહેરોમાં હિન્દુ -શીખ પરિવારો મોટી સંખ્યામાં વસે છે ત્યાં હિન્દુ - શીખ તરુણીઓને ફસાવવાનું કામ યોજનાબદ્ધ રીતે ચાલે છે.
22 ફેબ્રુઆરી, 2007ના રોજ યુ.કે.ના પોલીસ રિપોર્ટની નોંધ આ પ્રમાણે હતી - 'Police protect girls forced to convert to Islam' મટ્રોપોલિટન પોલીસના વડા સર લાન ર્બ્લર તાજેતરમાં એક હિન્દુ કૉન્ફરન્સમાં મહેમાન તરીકે આવ્યા હતા. આ સમારંભમાં એ મુદ્દો ખૂબ ચર્ચાયો કે બ્રિટનમાં ખાસ કરીને લંડન જેવાં શહેરોમાં લવ-જિહાદી રોમિયો દ્વારા ત્યાંની યુનિવર્સિટીઓમાં અભ્યાસ કરતી ભોળી અસુરક્ષિત હિન્દુ - શીખ તરુણીઓ સાથે સંબંધો સ્થાપી તેમની સાથે લગ્ન કરી તરુણીઓને મુસ્લિમ બનાવવામાં આવે છે. સંપર્ક કરતી વખતે આ મુસ્લિમ રોમિયો પોતાનું અસલી મુસ્લિમ નામ છુપાવે છે અને શીખનું કડું પહેરી, રૉકી કે રાજ જેવાં હિન્દુ નામ બતાવી સરળતાથી યુવતીને ફસાવી દે છે.
એક અંદાજ મુજબ અત્યાર સુધીમાં (છેલ્લા છ-આઠ મહિનામાં) 100 થી 120 તરુણીઓ સાથે આ પ્રકારની ઘટનાઓ ઘટી છે, સંમેલનમાં પોલીસ વડાએ તરુણીઓનાં મા-બાપ્ને હિંમતપૂર્વક પોલીસકેસ કરવાની સલાહ આપી હતી, કારણ કે અનેક પરિવારો પ્રતિષ્ઠા ખરડાય નહીં તે કારણસર ફરિયાદ કરવાનું પણ ટાળતા હતા.
બ્રિટિશ ઑર્ગેનિઝેશન ઑફ શીખ સ્ટુડન્ટ્‌સના પ્રમુખ રણજિતસિંઘે પણ આ વાત કબૂલી છે. બ્રિટનના હિંદુ ફોરમના સેક્રેટરી રમેશ કલ્લીદાઈએ જણાવ્યું છે કે શીખ - હિન્દુ પરિવારોની સેંકડો યુવતીઓને ડરાવીને, લલચાવીને મુસ્લિમ લવ-જિહાદીઓએ બરબાદ કરી નાંખી છે. બ્રિટનની પોલીસ અને યુનિવર્સિટીના સત્તાવાળાઓ મુસ્લિમ યુવકો દ્વારા થતા આક્રમક ધર્મપરિવર્તન (aggresive conversions)ની વિરુદ્ધ કાર્યવાહી હાથ ધરી અનેક યુવતીઓને બચાવી રહ્યા છે. એક શીખ સંગઠને બ્રિટનમાં આ અંગેની એક હેલ્પ-લાઇન પણ શરૂ કરી છે. તેમજ શીખ ગુરુદ્વારાઓમાં થતા મેળાવડામાં આ સમસ્યા અંગે જાગૃતિ લાવવાના પ્રયાસો પણ શરૂ કર્યા છે.

ઇઝરાયલમાં પણ લવ-જિહાદ ?
આપણને આશ્ર્ચર્ય થશે કે આરબ મુસ્લિમો સામે સતત સંઘર્ષ કરતા ઇઝરાયલમાં પણ લવ-જિહાદની પ્રવૃત્તિ શરૂ થઈ છે.
25 સપ્ટેમ્બર, 2009ના રોજ પ્રગટ થયેલ સમાચાર આ પ્રકારે હતા - 'Israeli drive to prevent Jewish girls dateing Arbas' ફોરેન કૉરસ્પૉન્ડેન્ટ જોનાયન કુક દ્વારા આ રીપોર્ટીંગ થયું હતું. આ સમાચાર મુજબ ઇઝરાયલમાં યહૂદી યુવતીઓ આરબ યુવકો સાથે ડેટીંગ માટે જવા માંડી છે અને તેને પરિણામે અનેક યહૂદી તરુણીઓ આરબ યુવકો સાથે ભાગીને લગ્ન કરી ઇસ્લામ અંગિકાર કરતી જોવા મળે છે. ઇઝરાયલમાં સિવિલ મેરેજ પર પ્રતિબંધ છે તેથી યહૂદી યુવતી અને આરબ યુવક લગ્ન કરવા માટે ઇઝરાયલ છોડી અન્ય દેશમાં ચાલ્યા જાય છે.
પેટેહ ટિક્વા શહેરના એક પ્રતિષ્ઠિત નાગરિક શ્રી હકાક જણાવે છે કે `રશિયન' યહૂદી યુવતીઓ કે જેમનાં માતપિતા છેલ્લાં વીસ વર્ષમાં સોવિયેત સંઘના પતન બાદ રશિયા છોડી ઇઝરાયલ આવ્યાં, આ પરિવારો આરબોની દ્ષ્ટિએ સાવ અસુરક્ષિત પાત્રો છે. આ રશિયન યહૂદી યુવતીઓ આરબ યુવકોનો આસાનીથી શિકાર બની જાય છે, કારણ કે આ રશિયન યહૂદી તરુણોને યહૂદી ધર્મનું ધાર્મિક શિક્ષણ પ્રાપ્ત થયેલ નથી.
મોશે નામના એક સજ્જને જેરુસલેમ પોસ્ટ ન્યૂઝ પેપરને જણાવ્યું કે `છેલ્લાં 10 વર્ષમાં યિસગાટ ઝીવ નામના અમારા શહેરમાંથી 60 જેટલી યહૂદી યુવતીઓ પેલેસ્ટાઈનના વેસ્ટબેંકનાં ગામોમાં આરબ યુવકો સાથે ભાગી ગઈ છે અને અત્યારે તે ક્યાં છે તેનો કોઈ પત્તો નથી. તેથી આપણે યહૂદી તરુણીઓનો સંપર્ક કરી આરબ યુવકો સાથેના સંબંધોથી કેવી સમસ્યાઓ ઊભી થાય છે તેની ભયાનકતાથી તેમને વાકેફ કરવી જોઈએ.'
ઇઝરાયલ જાગે છે અને પગલાં લે છે
સન 2008માં દક્ષિણ ઇઝરાયલના કિરયાત ગાટ નામના શહેરમાં શાળાઓમાં વિશેષ પ્રકારના સંખ્યાબંધ કાર્યક્રમો યોજવામાં આવ્યા, જેમાં યહૂદી વિદ્યાર્થીઓને એક ટૂંકી વિડિયો ફિલ્મ બતાવવામાં આવતી જેનું ટાઇટલ 'sleeping with the enemy' - `શત્રુ સાથે શયન' - છે. આ ફિલ્મ દ્વારા એવો બોધપાઠ શીખવવામાં આવતો કે યહૂદી - આરબ દંપતી એ અકુદરતી ઘટના છે.
સન 2004માં સાફેદ નામના ગામમાં ઠેર ઠેર પોસ્ટરો લાગ્યાં જેમાં યહૂદી યુવતીઓને ચેતવવામાં આવી કે આરબ યુવક સામેનો પ્રેમસંબંધ તમને નિર્દય મારઝૂડ, ડ્રગનો શિકાર, વેશ્યાવાડામાં કે ગુનાખોરીના જગતમાં લઈ જશે. સાફેદના મુખ્ય રબી (ધર્મગુરુ) સમ્યુઅલ ઇલિયાહુએ સ્થાનિક સમાચારપત્રને જણાવ્યું કે `યહૂદી તરુણીને ફોસલાવી ઉઠાવી જવાનું કામ એ આરબ જગતે છેડેલું એક નવા પ્રકારનું યુદ્ધ જ છે.' મોટાભાગના ઇઝરાયલી યહૂદીઓ માને છે કે યહૂદી - આરબ સંબંધો ઇઝરાયલ રાષ્ટ્રના યહૂદીપણા સામેનો મોટો પડકાર છે. સન 2007માં આ વિશે એક સંસ્થાએ યહૂદીઓનો જનમત જાણવાનો પ્રયત્ન કર્યો તો મોટા ભાગના યહૂદીઓ એવું માનતા દેખાયા કે યહૂદી-આરબ લગ્નને દેશદ્રોહ તરીકે (National treason) ગણાવો જોઈએ.
પીસગાટ ઝીવ નામના શહેરમાં યહૂદી યુવતીઓ અને આરબ યુવકોનાં છાનાંછપ્નાં મળવાનાં મિલનસ્થાનો પર ચાંપતી નજીર રાખી આવાં મિલનો રોકવા માટેની હિલચાલ યહૂદી યુવા સંગઠનો દ્વારા શરૂ થઈ છે.
કીરયાત ગાટ અને સાફેદ શહેરોમાં એક ધાર્મિક સંગઠનને `યહૂદી મહિલા બચાવો'ના નામે જાગરણ કાર્યક્રમો શરૂ કર્યા છે. ઇઝરાયેલમાં શરૂ થયેલી વેબસાઈટ પર મહિને સામાન્ય રીતે એક સો કૉલ મળે છે, જેમાં યહૂદી મહિલા અને આરબ યુવકના સંબંધોની વાત હોય છે. આ પ્રકારની માહિતી મળતાં જ આરબ વસતિમાં ફસાયેલી આ યહૂદી મહિલાને બચાવી લેવાનું મિલિટરી પ્રકારનું ઑપરેશન કરવામાં આવે છે. આ વેબસાઈટ કહે છે કે `અમારા માટે પ્રત્યેક યહૂદીઆત્મા અત્યંત કિંમતી છે. આમાંથી એક પણને ગુમાવવાનું અમને પાલવે તેમ નથી !

...અને આપણે ત્યાં પણ...
આપણને થાય છે કે આપણા દેશમાં ઇઝારાયલ જેવો સ્પિરિટ ક્યારે જાગશે ? અલબત્ત, આપણે પણ આ સમસ્યાથી ગભરાઈ, હાથ જોડીને બેસી રહ્યા નથી. હિંદુભાવ લઈને કામ કરતાં સંગઠનોના તાલમેલથી હિંદુ જાગરણ, હિંદુ સંગઠન અને હિંદુ બચાવની નોંધપાત્ર કામગીરી ચાલી રહી છે. હિંદુ હેલ્પલાઇન દ્વારા અનેક યુવતીઓને બચાવી લેવામાં આવી રહી છે. આ હિન્દુ હેલ્પલાઇન ભોગ બનેલ અનેક પરિવારોને તમામ પ્રકારની મદદ કરવા સદા તત્પર છે. આર્થિક સહયોગ, કાયદાકીય મદદ, યુવતીને માનસિક સારવાર, ગુંડાગર્દી સામે શક્તિપ્રયોગ આદિ અનેક રીતે મદદરૂપ થવાના પ્રયત્નો ચાલે છે.

આટલું અવશ્ય કરીએ

પરંતુ આ બાબતે સમાજના લોકો જાગે તે અતિ મહત્ત્વનું છે. વર્તમાન પરિસ્થિતિની માંગ છે કે (1) પ્રત્યેક પરિવાર આ પડકારને સમજે અને પોતાના સંતાનોને આ પ્રકારની ચાલતી ભયાનક પ્રવૃત્તિથી ચેતવે, (2) પોતાના પરિવારમાં હિંદુ ધર્મના સંસ્કાર મળે તથા હિંદુ ધર્મ પ્રત્યે, પોતાના દેવો અને ગ્રંથો માટે આસ્થા દ્ઢ થાય તેવું વાતાવરણ ઊભું કરે, (3) હિંદુ ધર્મ જગતના તમામ ધર્મો કરતાં સર્વ રીતે શ્રેષ્ઠ છે, વિશ્ર્વ-કલ્યાણકારી છે, વૈજ્ઞાનિક દ્ષ્ટિકોણવાળો, સતત સંશોધનશીલ અને માનવતાવાદી છે તેવો વિશ્ર્વાસ સંતાનોમાં જગાવે, (4) વાલીઓ પોતાનાં સંતાનો કયા મિત્રો સાથે ફરે છે, શું વાંચે છે, ક્યાં જાય છે, શું વિચારે છે આદિ ક્રિયાકલાપોને ધ્યાનથી જુએ અને યોગ્ય માર્ગદર્શન આપે. (5) આમ છતાં કોઈ અજુગતી ઘટના પરિવારમાં બને તો નીડર બની, કોઈની ધમકીને તાબે થયા સિવાય, હિંમતપૂર્વક હિંદુ સંગઠનોનો સાથ લઈ કાયદાના સહારે જવું જોઈએ. અલબત્ત રોગ થયા પછી ઉપચાર કરાવવાને બદલે રોગ જ ન થાય તેની કાળજી રાખીએ તો તે ઉત્તમ માર્ગ લેખાશે.

                                                                                                                                   Count....